Ədalət kişi, Femida xala
Xalq bəzən öz arzularını övladlarına verdiyi adlarda ifadə edir. Ədalət məhz bu cür arzulardandır. Azərbaycanda Ədalət adında adam çoxdur, amma ədalət özü yoxdur. Ölkədə məhkəmə sistemi ədaləti qoruya bilmədiyi üçün ədalət baş götürüb qaçıb və ona görə də xalq məcbur olub bu adı övladlarına verib ki, ölkədə ədalət olmasa da, heç olmasa hər bir kəsin ailəsində Ədalət adlı kişi olsun. QAT sədri Akif Nağı da bu yandan təklif edir ki, “Polad Bülbüloğlu milli maraqlara xəyanət edibsə, nəinki geri çağırılmalıdır, hətta ona cinayət işi açılmalıdır”. Nə cinayət işi, a kişi? Zamin Hacı bir kəlmə sözə görə fiziki təzyiqə məruz qalanda cinayət işi açdılar? Milli maraq heç gözlə görünən bir şey də deyil ki, kiminsə əlində satan yerdə tutub deyəsən ki, budur əlahəzrət fakt. Günün günorta çağı hadisə olur, adam ölür, qanı yerdə qalır, qatil də azadlıqda, bu milli maraq nəmənədir ki, ona görə qovluq ayırıb cinayət işi açsınlar?
Baxış sayı: 6
Açar sözlər: məhkəmə ədalət mehriban qarayeva akif
Onun köməyə ehtiyacı var...
Ülviyyə Quliyeva, uşaqlıqdan 2-ci dərəcəli əlildir. O, ən yüksək, 4-cü dərəcəli skolioz (S-vari onurğa sütununun əyilməsi-http://www.tusiklinika.com/2_stac/xirpoz/3.shtml) xəstəliyindən əziyyət çəkir. Lap körpəlikdən Sovet İttifaqının müxtəlif yerlərində manual terapiya kursları vasitəsilə müalicə alıb. Lakin bu müalicənin heç bir faydası olmayıb. Xəstəlik daha da inkişaf edib. 1989-cu ildə, 13 yaşı olarkən, həkimlər carrahiyə əməliyyatı ilə onurğa sütununu düzəltməyi qərara alıblar.
Biz dəlixanadayıq
“Telefon terroru” səngimək bilmir. Balacadan tutmuş böyüyə kimi hamı bu qırxıncı qapını açmaq üçün əlindən gələni edir. Əvvəllər telefondan tanış olmaq məqsədilə hara gəldi zəng edən milli mırttutanlarımız indi cəmi 3 rəqəm yığmaqla dəli sevdalarını həyata keçirirlər. Profilaktik tədbirlərin, sənədli filmlərin də faydası yoxdur, camaatın psixikası pozulub və onu normal vəziyyətə salmaq deyəsən yaxın zamanlarda baş tutan iş deyil. Bu belə düşünməyə vadar edir ki, ölkədə mövcud olan psixoloq və psixiatr ordusu ya işinin öhdəsindən gələ bilmir, ya da onlara öz işləri ilə məşğul olmağa imkan verilmir. Vəziyyət elə həddə çatıb ki, Ziqmund Freyd özü də dirilib gəlsə, bu işlərdən baş açmayacaq, hətta deyərdim ki, kişi bihörmət olub gedəcək Zirəddin kimi.
Baxış sayı: 7
Açar sözlər: telefon terroru avropa dəlixana telekanal
Sevgililər günü
Sevgi həyatdır, sevgi yaşamaq deməkdir. Allah yaratdığı canlılardan yalnız insana sevmək istedadı bəxş etməklə onu canlılar arasında ən yüksək səviyyəyə qaldırıb. İnsan özünü dərk edəndən sevgi də mövcud olub və onun haqqında dünyanın sonuna qədər də yazılsa yenə az olacaq. Bir insanın əks cinsdən olan insana qarşı yaşadığı hisslər dünyanın ən müqəddəs hisslərindəndir. İnsanın qarnı ac da olsa əgər bir təmiz sevgisi varsa həyatdan zövq ala, “mən xoşbəxtəm” deyə biləcək qədər xoşbəxt ola bilər. Bəzən deyirlər ki, sevgi nakam olanda daha gözəl, yadda qalan olur. Amma əslində hər şeyin bir məntiqi nəticəsi olduğu kimi, sevginin də məntiqi sonluğu olmalıdır və bu ayrılıq yox, məhz toy olmalıdır.
Baxış sayı: 31
Açar sözlər: sevgililər günü ilham fərizə 14fevral
Xoş gəldin, Peres!
Dünya yaman dəyişib. Nə dünya əvvəlkidir, nə də Azərbaycan. Vaxt var idi İran dünyaya meydan oxuyurdu, İsraili yer üzündən siləcəyi ilə hədələyirdi, indi İranın
özündə qarmaqarışıqlıq hökm sürür, dünyaya meydan oxuyan Əhmədinecad bir ovuc Musəvi tərəfdarını ram edə bilmir. Azərbaycanın özündə də bir vaxtlar Nardaran kəndində güclü mitinqlər olardı, ölkənin dini-siyasi nəbzi Nardaranda döyünərdi. Amma indi vəziyyət başqa cürdür. Bu günlərdə İsrail Prezidentinin Azərbaycana rəsmi səfərinə etiraz əlaməti olaraq Nardaranda mitinq təşkil etməyə təşəbbüs olsa da uğursuzluğa düçar oldu. İslam partiyasının digər tərəfdarları ilə birlikdə Xarici İşlər Nazirliyi qarşısında aksiya təşkil etmək niyyəti də baş tutmadı. Səbəb məlumdur, İranın başı hələlik özünə qarışıb, İsrail yaddan çıxıb.
Baxış sayı: 24
Açar sözlər: şimon peres iran israil azərbaycan